Merki Stikan Map: útlínur Íslands með leið og staðsetningarnál

Hálendiskort sem virkar án nets

Stikan Map er íslenskt hálendis- og ferðakort fyrir síma. Kortin eru geymd á tækinu, svo þau virka þar sem ekkert símasamband er.

Í beta-prófun · væntanlegt á iOS

Allt landið án nets

Kort, örnefni, leit og leiðarval eru á tækinu sjálfu. Ekkert hættir að virka þegar sambandið dettur út, hvorki uppi á heiði né inni í dal.

Færð og veður á einu korti

Færð Vegagerðarinnar og veður og viðvaranir Veðurstofunnar saman á kortinu. Síðustu gögn fylgja með upp á hálendið, merkt með tíma.

Gert fyrir hálendið

F-vegir aðeins ef þú velur þá, vöð merkt, örnefni úr IS 50V og landslag og skálar í 3D.

Skjámyndir

Skjámyndir úr appinu (iPhone, beta-útgáfa).

Veður og færð frá Veðurstofu og Vegagerð

Leiðsögn: beygjuborði, hraði og komutími

Hvað gerir appið?

Kort án netsLandakort og götukort á tækinu, með leit að örnefnum, bæjum, götum og skálum án nets.
ÖrnefniÖrnefni úr IS 50V í flokkum (fjöll, dalir, jöklar, vötn o.fl.) sem má kveikja og slökkva á.
VeðurMælingar á veðurstöðvum Veðurstofunnar og Vegagerðarinnar, staðaspár og veðurkort með spá næstu daga.
Færð og viðvaranirFærð á vegum, vegavinna og atvik frá Vegagerðinni og veðurviðvaranir Veðurstofunnar.
Leiðarval og leiðsögnLeið reiknuð á tækinu, F-vegir aðeins ef þú velur þá, vöð merkt. Beygjur og færð framundan á leiðinni (engin rödd).
FerlarTaktu upp feril meðan appið er opið og deildu honum sem GPX-skrá.
3D-landslagÞrívítt landslag úr hæðarlíkani LMÍ (á iOS).
Í neyðHnitin þín í tugabroti og gráðum/mínútum og hnappur sem hringir í 112.

Síðustu veður- og færðargögn eru geymd á tækinu og sýnd með tíma þegar netið vantar. Appið er á íslensku og ensku.

Fyrirvarar

Stikan Map er ekki öryggistæki. Kortið er til leiðbeiningar. Aðstæður á hálendinu breytast hratt; kynntu þér færð, veður og lokanir áður en lagt er af stað og fylgstu með aðstæðum sjálf(ur) á leiðinni.

Jöklar og sprungur: sprungusvæði á kortinu eru leiðbeinandi, ekki trygging fyrir öruggri leið. Farðu ekki á jökul án þekkingar, búnaðar og leiðsagnar.

Færð og veður: gögnin koma frá Vegagerðinni og Veðurstofunni og geta verið röng, gömul eða ekki náð til staðbundinna aðstæðna. Án nets sýnir appið síðustu gögn sem náðust, með tíma.

Vöð: vöð á kortinu eru úr OpenStreetMap. Vatnsmagn breytist eftir veðri, árstíma og tíma dags. Metið hvert vað á staðnum.

Leiðarval: leiðin er reiknuð úr opnum gögnum og getur legið um lokaða, ófæra eða ranga vegi. Fylgdu alltaf merkingum og lokunum á staðnum.

Staðir: staðsetning skála og tjaldsvæða er úr OpenStreetMap. Athugaðu aðgengi og leyfi áður en þú ferð.

Í neyð: hringdu í 112.

Heimildir og leyfi

Kortagrunnur og vegakerfi: götukort, vegir, götuheiti og staðir © OpenStreetMap contributors (ODbL) · Kortastíll © Protomaps (BSD)
Landupplýsingar (IS 50V): jöklar, slóðar, örnefni, bæir, ár, vötn, hæðarlínur og sveitarfélagamörk © Náttúrufræðistofnun / Landmælingar Íslands (CC BY 4.0)
Veður og viðvaranir: veðurathuganir, staðaspár og viðvaranir frá Veðurstofu Íslands (CC BY 4.0). Birtar á korti í appinu; Veðurstofan ber ekki ábyrgð á þeirri vinnslu.

Leyfin: ODbL · CC BY 4.0. Stikan Map tengist ekki þessum stofnunum og er ekki á þeirra vegum.

Samband

Spurningar, villur eða ábendingar: himminn@gmail.com

Á þessari vefsíðu eru engar vafrakökur, engin rakning og engin eyðublöð.